ENGGANE INYONG

Posted on

Enggane inyong dadi Pak RT,

Duit kas tek bagi senajan langka jaminane

Kon ora padha ngutang maring rentenire

Enggane inyong dadi Pak Bau,

Warga-warga padha tek latih gawe tahu

Kon ora padha rubungan dopokan sing wagu-wagu

Enggane inyong dadi pak lurah,

Warga desa tek warahi nandur wit mirah

Sekang duit desa sing mambrah-mambrah

kon wargane lega ora patia gerah

Enggane inyong dadi Pak Camat,

Desa-desa rutin tek tiliki

Kon masyarakate katon padha kerumat

Enggane inyong dadi Pak Bupati,

dalan-dalan tek alusi

kon gampang deliwati

Enggane inyong dadi Pak Gubernur,

Kabeh warga tak gawe makmur jibar jibur

senajan inyong teles kejebur-jebur

Enggane inyong dadi Pak Presiden

Rakyat tek dadekna kaya raden

Ora usah maring kuburan, ora usah aweh sajen…

Dacho Darsono

Ndesa Gentawangi, Kecamatan Jatilawang, Kab. Banyumas

thn. 2003.

( Dimuat di majalah basa banyumasan ANCAS Nomer 28///Taun3 Juli 2012 ).

See also  Sajak Siang

Leave a Reply

Your email address will not be published. Required fields are marked *